Witôjtaż na stranach kaszëbsczégò karna Ubuntu

Ubuntu - céż to taczégò je?

Ubuntu to stôré afrikańsczé słowò jaczé òznôczô człowieczestwò dlô wszëtczich. Czérëjąc sã tim przesłaniém firma Canonical Ltd. ùsôdzëła ë ùprzëstãpniła opiartą na Debianie darmôk distribucëjã Linuksa Ubuntu.

Ubuntu Linux je fardich òperacjową systemą dlô desktopù. Ùsôdzcë ti distibùcëji wëbrôlë z dostónków Debiana, pòdle nich nôlepszą ë nôstabilnijszą soft-wôrã nieòbéńdną do fùlwôrtnegò brëkòwaniô kòmpùtra. Systemã ta je mòżno zrëszëc zarô pò instalacëji. Równoczasno, dzãka przistãpie do paczétów Debiana, kòżdi mòże letkò dopasowac nã systemã do se.

KashubianTeam

• Kim jesmë ë co robimë

Jesmë dobrowòlnikama mającëma starã ò przedolmaczenié różnëch dzélów Linuksa na kaszëbsczi jãzëk tak, bë stôł òn sã fùlwôrtną òperacjową systemą przistãpną w naji rodny mòwie.

Mómë starã ò to, bë przedolmaczëc paczétë jaczi zamëkô w se linuksowô distribùcëjô Ubuntu .

Nalezeta naju na starnach ùbdë Rosetta, jakô dôwô wszëtczim mòżnotã dolmaczëniô, jakno ë na starnach linuxcsb.org.

Karno:

• Jak je mòżno sã przëłączëc?

Sygnie zacząc dolmaczëc lopczi (pò rëchliszëm zaregistrowaniem sã w Rosetta) z tëch starnów.

Mòżeta sã téż dopisac do najegò karna: Ubuntu Kashubian Translators

• Kaszëbskô kòmpùtrowô słowizna

Pò ùpòrządkòwaniém ë ewentualny òbgôdce słowôrz ùżëczëwómë wedle reglów licencëji GNU Free Documentation License na pòdstarnie: KashubianTeam/dictionary.

• Do zrobieniô

• KashubianTeam/audit

Rôczimë do wespółrobòtë!

CategoryLoCoTeams